Die Gsalzene
iber uns / über uns
1997 grindet, erläbbt unsere Schnitzelbangg im Joor 2024 sini 27. Fasnacht. Zum dritte Mol sinn mir zwai Grinder das Joor mit unsere Teechtere uf dr Route. Mir fraie is seer!
1997 gegründet, erlebt unser Schnitzelbank im Jahr 2024 seine 27. Fasnacht. Zum dritten Mal sind wir zwei Gründer dieses Jahr mit unseren Töchtern auf der Route. Wir freuen uns sehr!
Bängg 2024
Zeedel syt 1998
1998 Erschte Joorgang
Dr Martin Ebner zieht no Schwyz, will er dert Styre spare kaa
Dr Gaudino blybt in Basel, will en sunscht kai Sau will haa
Dr Thomas Barth, me sait s, wett au sehr gärn ewägg vo unserem Ort
Är zieht no Belgie furt und grindet dert e-n-aigne Kinderhort
1999 Zwaite Joorgang
Dr Wooghof isch zwai Joor alt und es isch e grosse Bau
Es het dert sehr vyl Blatz und trotzdäm sin sy scho im Stau
No 20 Zälle meh hätsch baue miesse - das wurd sich jetz lohne
Will gwissi Staatawält statt amme haim go miesste dert go wohne
2000 Dritte Joorgang
Vor em Färnseh sitzt e Mensch und d'Langwyl bloggt ihn so schwär
By däm wo är do macht isch är elai - sy Seel isch läär
Nur ains ka ihn no rette - das wird's Änd vo sym Verdruss
's isch bald ains am Morge, denn hett's TV3 dr Sändeschluss
2001 Vierte Joorgang
Fir in dr Nazi e Ball ins Goal z bikoo do wurd är stärbe
Drum gsehsch nit y worum dr Cecca isch fir d FDP go wärbe
Vylmeh sott doch sy Härz fir SVP und Blocher schloo
Denn au die hänn ihri Spiilbäll nit in Bundesroot bikoo
2002 Finfte Joorgang
Dr FCB hett s Spitzespiil und s Stadion uusverkauft
Aber d Sitzblätz sinn halb läär, obwohl die zwaiti Halbzytlauft
Wo sinn die Fäns - vo uns kasch grad en Antwort do druff haa
Die stehn syt Matchbeginn bim Bysswar und dr Wirschtlibuude aa
2003 Säggste Joorgang
Wenn d Ainsamkait uns Mensche bloggt und s Härz vor Schmärz duet biege
Simmer mit dr Zyt nimm wählerisch, nämme s Erschtbescht wo mer griege
Denn isch s uns glych, wenn epper wiescht isch, stinggt, nie wäggslet syni Sogge
Bin Ässe schmatzt, dumms Zyg redt und bim Schiffe stoht statt z hogge
Au d Schwyz het gleert sich fir so Partnerschafte nid z geniere
Syt mir zwunge sinn mit Eeschtryych d Fuessball-EM duurezfiehre
2004 Sibte Joorgang
Dr Terminator spiilt sy neyschti Rolle in dr Bolitigg
Umgekehrt wäre Bolitigger als Filmstars au no schigg
Fir dr Muurer gäb s e Hauptrolle im Film "Ueli dr Knächt"
D Regierig z Lieschtel miech sich in "Les Miserables" au nit schlächt
Au d Angi Merkel vo dr Dytsche CDU kennt do brilliere
Und sich e Hauptrolle im Film "Die Wüste lebt - Dail 2" garniere
In "Robin Hood" do wurd dr HaMa Tschu sy Draumrolle bikoo
Als hoole Baum kennt er ganz unschynbar und nutzlos ummestoo
2005 Achte Joorgang
D'Show vom Tut-ench-amun z'Basel isch e Renner - drotz em Fluech
Als Erschte kunnt vom Bundesroot dr H.-R. Merz uff Bsuech
Wonner dr Saal bedritt kunnt schreiend dr Diräggter anezschbringe
"Halt, Stopp, d'Mumie mient er durch dr Liiferanddeyygang bringe"
2006 Nyynte Joorgang
Voll Wehmuet dänggt dr Jögge Schild zrugg ans Vrbrächerjaage
D Entzugserschynig mues er wool nid bsunders lang vrdraage
Mit so korubbde Brieder gitts jetz bald e fraidig Wiiderseh
An dr erschte Sitzig z Lausanne bim Olympisch Komitee
2007 Zähnte Joorgang
S Niveau vo de Gspreech im Bundesuus isch maischtens ender schlicht
So frogt dr Couchepin d Calmy-Rey: "Was machsch denn Du do fir e Gsicht?"
Drum maint s Micheline: "Liebe Pascal, myni Antwort lutet soo:
Wenn y Gsichter mache kennt, hätsch Du scho lang e neys bikoo!"
2008 Elfte Joorgang
Dr Dragan, Zlatko, Branko, Dino und dr Sacha sinn derbyy
Goran, Mlöaden, Miroslav und Mirko mälde sich au glyy
Hälfe alli eerenamtligg bi dr Euro 08 mit
Will's fyr jede wo dert schafft e Trainerhose gratis gitt
2009 Zwelfte Joorgang
An dr GV vo de Sioux im Indianerreservat
Said dr Haiptling "Fetter Elch" zem Haiptling "Kleiner Kopfsalat":
"Dass Du vo mir so lang nyt glääse hesch duet numme drdraa ligge:
Syt däm bleede Rauchberbott kanni kai Noochrichte mee schigge!"
2010 Dryzäände Joorgang
Si schwätze immer unverständlig und verbraite fremdi Gläng
Mir wänn se nid in unserer Stadt - si schmegge eenter sträng
Unseri Hochkultur bedrooe sottig wiss-blaui Nomaade
Jetz hämmer Gopferglemmi z'Basel scho dr Zwaiti Sprüngli-Laade!
2011 Vierzäände Joorgang
D' Schugger Sepp und Guschti faare stolz im Straifewaage
Nur die blau-wyss Zyrcherfaarb isch fir die baide kuum z' ertraage
Druff maint dr Sepp: "Los Guschti, s' hätti schlimmer kenne koo
Wenn dr Lips hätt derfe wäälä hätt er roosarooti gnoo!"
2012 Fuffzäände Joorgang
Am Minschterblatz said im Theaater vo de Marionette
Dr Kasperli zem Grethli: "Unseri Biini isch no z' rette
S' Ensemble wird vrgreesseret - das frait mi seer mi Schatz
Als neie Holzkopf schafft ab morgn bi uns dr Moritz vo dr BaZ!"
2013 Sächzäänte Joorgang
Dä Summer het me z?Oerlikon e Huus nach Oschte gschoobe
Das isch ändlig mol e Laischtig vo de Ziircher wo d'kasch loobe
Jetz wo sie lebig hän, do kennte sie - mir wurde das seer schetze
S'neggscht Mool die ganzi Stadt grad bis noch Eeschtryych versetze
2014 Sibzäände Joorgang
Dr BVB-Diräggter hett me gschasst und das beriert uns seer
Drbyy hett äär en doch nur wertligg gnoo - dr effentlig Verkeer
Und drzue dien sini Blüddlibilder voll ins Schwarze braiche
Denn wo zwai Schiine zämmekemme - said dr Drämmler - hetts e Waiche
2015 Achzäänte Joorgang
Noch 6 Milliarde Kilomeeter Flug hett d' Sonde sich blatziert
Doch d' Rosetta hett uff däm Komet denn zimmlig scheps pharggiert
D' ESA hett vrlute loo: Das Pharggbrobleem hett me gsee koo
Drum haig me fir die Sonde au bewusst e Frauenamme gnoo
2016 Nyynzäänte Joorgang
Vor de Waale fir dr Bundesroot, das loot sich nid negiere
Hett's dr SVP an Fraue gfäält zem unser Land regiere
Dr Voorstand isch sich ainig, dass es neii Fraue bruucht
Drum mälde si sich alli aa bi "Bauer ledig sucht"!
2017 Zwanzigschte Joorgang
Mir jubiliere: Unsre Bangg gitt's 20 Joor
Doch mir hänn Altersbräschte und vrliere d'Hoor
Und nur mit Gligg isch unsre Zeedel jetzt nid läär
Denn unsrer Broschtata fallt's Väärslibrinzle schwäär
2018 Ainezwanzigschte Joorgang
D'Islamischte dringe vor, so kas nit goo
Si verändre unsri Gsellschaft noodisnoo
Mit de erschte Fyyrtig geen si jetzt an Staart:
Es sin Gründönersdaag und Grischti Hammelfaart!
2019 Zwaiezwanzigschte Joorgang
D' Basler Bolizei wird elleggtrifiziert
Drum wärde Tesla-Schuggerauti importiert
Denn si basse guet und sinn nid numme schigg
Zem Baschi Dürr sinere Schwachstrombolytigg
Zeedel syt 1998
1998 Erschte Joorgang
Dr Martin Ebner zieht no Schwyz, will er dert Styre spare kaa
Dr Gaudino blybt in Basel, will en sunscht kai Sau will haa
Dr Thomas Barth, me sait s, wett au sehr gärn ewägg vo unserem Ort
Är zieht no Belgie furt und grindet dert e-n-aigne Kinderhort
1999 Zwaite Joorgang
Dr Wooghof isch zwai Joor alt und es isch e grosse Bau
Es het dert sehr vyl Blatz und trotzdäm sin sy scho im Stau
No 20 Zälle meh hätsch baue miesse - das wurd sich jetz lohne
Will gwissi Staatawält statt amme haim go miesste dert go wohne
2000 Dritte Joorgang
Vor em Färnseh sitzt e Mensch und d'Langwyl bloggt ihn so schwär
By däm wo är do macht isch är elai - sy Seel isch läär
Nur ains ka ihn no rette - das wird's Änd vo sym Verdruss
's isch bald ains am Morge, denn hett's TV3 dr Sändeschluss
2001 Vierte Joorgang
Fir in dr Nazi e Ball ins Goal z bikoo do wurd är stärbe
Drum gsehsch nit y worum dr Cecca isch fir d FDP go wärbe
Vylmeh sott doch sy Härz fir SVP und Blocher schloo
Denn au die hänn ihri Spiilbäll nit in Bundesroot bikoo
2002 Finfte Joorgang
Dr FCB hett s Spitzespiil und s Stadion uusverkauft
Aber d Sitzblätz sinn halb läär, obwohl die zwaiti Halbzytlauft
Wo sinn die Fäns - vo uns kasch grad en Antwort do druff haa
Die stehn syt Matchbeginn bim Bysswar und dr Wirschtlibuude aa
2003 Säggste Joorgang
Wenn d Ainsamkait uns Mensche bloggt und s Härz vor Schmärz duet biege
Simmer mit dr Zyt nimm wählerisch, nämme s Erschtbescht wo mer griege
Denn isch s uns glych, wenn epper wiescht isch, stinggt, nie wäggslet syni Sogge
Bin Ässe schmatzt, dumms Zyg redt und bim Schiffe stoht statt z hogge
Au d Schwyz het gleert sich fir so Partnerschafte nid z geniere
Syt mir zwunge sinn mit Eeschtryych d Fuessball-EM duurezfiehre
2004 Sibte Joorgang
Dr Terminator spiilt sy neyschti Rolle in dr Bolitigg
Umgekehrt wäre Bolitigger als Filmstars au no schigg
Fir dr Muurer gäb s e Hauptrolle im Film "Ueli dr Knächt"
D Regierig z Lieschtel miech sich in "Les Miserables" au nit schlächt
Au d Angi Merkel vo dr Dytsche CDU kennt do brilliere
Und sich e Hauptrolle im Film "Die Wüste lebt - Dail 2" garniere
In "Robin Hood" do wurd dr HaMa Tschu sy Draumrolle bikoo
Als hoole Baum kennt er ganz unschynbar und nutzlos ummestoo
2005 Achte Joorgang
D'Show vom Tut-ench-amun z'Basel isch e Renner - drotz em Fluech
Als Erschte kunnt vom Bundesroot dr H.-R. Merz uff Bsuech
Wonner dr Saal bedritt kunnt schreiend dr Diräggter anezschbringe
"Halt, Stopp, d'Mumie mient er durch dr Liiferanddeyygang bringe"
2006 Nyynte Joorgang
Voll Wehmuet dänggt dr Jögge Schild zrugg ans Vrbrächerjaage
D Entzugserschynig mues er wool nid bsunders lang vrdraage
Mit so korubbde Brieder gitts jetz bald e fraidig Wiiderseh
An dr erschte Sitzig z Lausanne bim Olympisch Komitee
2007 Zähnte Joorgang
S Niveau vo de Gspreech im Bundesuus isch maischtens ender schlicht
So frogt dr Couchepin d Calmy-Rey: "Was machsch denn Du do fir e Gsicht?"
Drum maint s Micheline: "Liebe Pascal, myni Antwort lutet soo:
Wenn y Gsichter mache kennt, hätsch Du scho lang e neys bikoo!"
2008 Elfte Joorgang
Dr Dragan, Zlatko, Branko, Dino und dr Sacha sinn derbyy
Goran, Mlöaden, Miroslav und Mirko mälde sich au glyy
Hälfe alli eerenamtligg bi dr Euro 08 mit
Will's fyr jede wo dert schafft e Trainerhose gratis gitt
2009 Zwelfte Joorgang
An dr GV vo de Sioux im Indianerreservat
Said dr Haiptling "Fetter Elch" zem Haiptling "Kleiner Kopfsalat":
"Dass Du vo mir so lang nyt glääse hesch duet numme drdraa ligge:
Syt däm bleede Rauchberbott kanni kai Noochrichte mee schigge!"
2010 Dryzäände Joorgang
Si schwätze immer unverständlig und verbraite fremdi Gläng
Mir wänn se nid in unserer Stadt - si schmegge eenter sträng
Unseri Hochkultur bedrooe sottig wiss-blaui Nomaade
Jetz hämmer Gopferglemmi z'Basel scho dr Zwaiti Sprüngli-Laade!
2011 Vierzäände Joorgang
D' Schugger Sepp und Guschti faare stolz im Straifewaage
Nur die blau-wyss Zyrcherfaarb isch fir die baide kuum z' ertraage
Druff maint dr Sepp: "Los Guschti, s' hätti schlimmer kenne koo
Wenn dr Lips hätt derfe wäälä hätt er roosarooti gnoo!"
2012 Fuffzäände Joorgang
Am Minschterblatz said im Theaater vo de Marionette
Dr Kasperli zem Grethli: "Unseri Biini isch no z' rette
S' Ensemble wird vrgreesseret - das frait mi seer mi Schatz
Als neie Holzkopf schafft ab morgn bi uns dr Moritz vo dr BaZ!"
2013 Sächzäänte Joorgang
Dä Summer het me z?Oerlikon e Huus nach Oschte gschoobe
Das isch ändlig mol e Laischtig vo de Ziircher wo d'kasch loobe
Jetz wo sie lebig hän, do kennte sie - mir wurde das seer schetze
S'neggscht Mool die ganzi Stadt grad bis noch Eeschtryych versetze
2014 Sibzäände Joorgang
Dr BVB-Diräggter hett me gschasst und das beriert uns seer
Drbyy hett äär en doch nur wertligg gnoo - dr effentlig Verkeer
Und drzue dien sini Blüddlibilder voll ins Schwarze braiche
Denn wo zwai Schiine zämmekemme - said dr Drämmler - hetts e Waiche
2015 Achzäänte Joorgang
Noch 6 Milliarde Kilomeeter Flug hett d' Sonde sich blatziert
Doch d' Rosetta hett uff däm Komet denn zimmlig scheps pharggiert
D' ESA hett vrlute loo: Das Pharggbrobleem hett me gsee koo
Drum haig me fir die Sonde au bewusst e Frauenamme gnoo
2016 Nyynzäänte Joorgang
Vor de Waale fir dr Bundesroot, das loot sich nid negiere
Hett's dr SVP an Fraue gfäält zem unser Land regiere
Dr Voorstand isch sich ainig, dass es neii Fraue bruucht
Drum mälde si sich alli aa bi "Bauer ledig sucht"!
2017 Zwanzigschte Joorgang
Mir jubiliere: Unsre Bangg gitt's 20 Joor
Doch mir hänn Altersbräschte und vrliere d'Hoor
Und nur mit Gligg isch unsre Zeedel jetzt nid läär
Denn unsrer Broschtata fallt's Väärslibrinzle schwäär
2018 Ainezwanzigschte Joorgang
D'Islamischte dringe vor, so kas nit goo
Si verändre unsri Gsellschaft noodisnoo
Mit de erschte Fyyrtig geen si jetzt an Staart:
Es sin Gründönersdaag und Grischti Hammelfaart!
2019 Zwaiezwanzigschte Joorgang
D' Basler Bolizei wird elleggtrifiziert
Drum wärde Tesla-Schuggerauti importiert
Denn si basse guet und sinn nid numme schigg
Zem Baschi Dürr sinere Schwachstrombolytigg
2024 Siebenezwanzigschte Joorgang
Vermuetligg numme alti Männer - s'isch fataal
Steen im Herbscht als US-Breesidänt zer Waal
Mir sinn gspannt, ob die, wo noch dämm Amt dien strääbe
Dr Waaltermin daatsächlig physisch no erlääbe
Wie d'Party noch de Waale wird, das isch no gnaim
Mir tippe uff phirierti Snacks im Pfläägehaim!
